Uncategorized
പലസ്തീന് ഐക്യദാര്ഢ്യ സമ്മേളനം നടത്താന് ഇടത് മുന്നണി; ഇന്ത്യയിലെ പലസ്തീന് അംബാസഡര് മുഖ്യാതിഥിയാകും
കോഴിക്കോട്: ഇസ്രയേല് അധിനിവേശം ശക്തമായി തുടരുന്നതിനിടെ പലസ്തീന് ഐക്യദാര്ഢ്യവുമായി സമ്മേളനം നടത്താന് ഇടത് മുന്നണി. ഗാന്ധി ജയന്തി ദിനമായ ഒക്ടോബര് രണ്ടിന് കോഴിക്കോട് മുതലക്കുളം മൈതാനിയില് നടക്കുന്ന സമ്മേളനത്തില് ഇന്ത്യയിലെ പലസ്തീന് അംബാസഡര് അബ്ദുളള മുഹമ്മദ് അബു ഷവേഷ് മുഖ്യാഥിതിയാകും.
സിപിഐഎം സംസ്ഥാന സെക്രട്ടറി എം വി ഗോവിന്ദന് സമ്മേളനം ഉദ്ഘാടനം ചെയ്യും. എല്ഡിഎഫ് കോഴിക്കോട് ജില്ലാ കമ്മിറ്റിയാണ് സംഘാടകര്. ഇടതുമുന്നണിയിലെ നേതാക്കളും പരിപാടിയില് പങ്കെടുക്കും. പലസ്തീന് ഐക്യദാര്ഢ്യം പ്രഖ്യാപിക്കുന്ന എല്ലാവര്ക്കും പരിപാടിയില് പങ്കെടുക്കാമെന്ന് എല്ഡിഎഫ് ജില്ലാ നേതൃത്വം പറഞ്ഞു. സിപിഐഎം നേതൃത്വം നല്കുന്ന ഭരണഘടനാ സംരക്ഷണ സമിതി 2023 നവംബര് മാസത്തിലും കോഴിക്കോട് പലസ്തീന് ഐക്യദാര്ഢ്യ സമ്മേളനം സംഘടിപ്പിച്ചിരുന്നു.
