വയനാട്: ഡിസിസി പ്രസിസഡൻ്റ് എൻ.ഡി. അപ്പച്ചൻ രാജി വച്ചു. മുൻ ഡിസിസി ട്രഷറര് എന്.എം. വിജയന്റെയും മകന്റെയും മരണവുമായി ബന്ധപ്പെട്ടുണ്ടായ വിവാദങ്ങളിൽ എൻ.ഡി. അപ്പച്ചൻ വലിയ രീതിയിൽ സമ്മർദത്തിലായിരുന്നു. എൻ.ഡി അപ്പച്ചനെ ഡിസിസി പ്രസിഡൻ്റ് സ്ഥാനത്ത് നിന്ന് മാറ്റുന്ന നടപടിയിലേക്ക് അടക്കം കോൺഗ്രസ് നേതൃത്വം നീങ്ങാനൊരുങ്ങുന്നതിനിടെയാണ് അപ്പച്ചൻ രാജി സന്നദ്ധത അറിയിച്ച് രംഗത്തെത്തിയിരുക്കുന്നത്.
കഴിഞ്ഞ കെപിസിസി യോഗങ്ങളിൽ തന്നെ എൻ.ഡി. അപ്പച്ചൻ രാജി സന്നദ്ധത അറിയിച്ചിരുന്നു. വയനാട്ടിലെ പാർട്ടി വിഷയങ്ങൾ കൈകാര്യം ചെയ്യാൻ ബുദ്ധിമുട്ടുണ്ടെന്നാണ് എൻ.ഡി. അപ്പച്ചൻ നേതൃത്വത്തെ അറിയിച്ചിരുന്നത്. രാജിക്ക് നേതൃത്വം എതിർപ്പ് അറിയിച്ചില്ല.
