കോവിഡ് മൂലമുള്ള സാമ്പത്തികത്തകർച്ചയിൽനിന്ന് രാജ്യം തിരിച്ചുവരുന്നതിന്റെ സൂചനയേകി, മൊത്തം ആഭ്യന്തര ഉൽപാദനത്തിൽ (ജിഡിപി) വൻ കുതിപ്പ്. 2021 ഏപ്രിൽ–ജൂൺ ത്രൈമാസത്തിലെ ജിഡിപി വളർച്ച, മുൻ കൊല്ലം ഇതേ കാലയളവിനെ അപേക്ഷിച്ച് 20.1% ആണ്. ത്രൈമാസകണക്കുകൾ ലഭ്യമായ തൊണ്ണൂറുകളുടെ പകുതിക്കു ശേഷമുള്ള ഏറ്റവും വലിയ വളർച്ചയാണിത്.
ജിഡിപി 2020 ഏപ്രിൽ–ജൂൺ കാലത്ത് 26.95 ലക്ഷം കോടി രൂപ ആയിരുന്നത് ഇപ്പോൾ 32.38 ലക്ഷം കോടിയായി. എന്നാൽ കോവിഡിനു മുൻപത്തെ നിലയിലേക്ക് എത്താൻ ഇനിയും ഏറെ ദൂരമുണ്ട്. 2019 ഏപ്രിൽ–ജൂൺ കാലത്ത് 35.66 ലക്ഷം കോടിയായിരുന്നു ജിഡിപി