പെട്രോളിയം ഉൽപന്നങ്ങൾ ജി.എസ്.ടി പരിധിക്കുകീഴിൽ കൊണ്ടുവരണമെന്ന് ആവശ്യപ്പെട്ട് ഹൈകോടതിയിൽ ഹർജി. ഡീസലിന്റെയും പെട്രോളിന്റെയും വില ദിവസവും കുതിച്ചുകയറുന്ന അവസ്ഥ ഒഴിവാക്കാൻ ഇവക്ക് ജി.എസ്.ടി നടപ്പാക്കണമെന്നാവശ്യപ്പെട്ട് കേരള പ്രദേശ് ഗാന്ധിദർശൻ വേദി ചെയർമാൻ ഡോ. എം.സി. ദിലീപ് കുമാറാണ് ഹർജി നൽകിയിരിക്കുന്നത്.
രാജ്യാന്തര വിപണിയിലെ വിലക്കനുസരിച്ചാണ് ഇന്ധനങ്ങളുടെ വിലവർധനയെന്ന് പറയുമ്പോഴും തെരഞ്ഞെടുപ്പുസമയത്ത് വില നിയന്ത്രിച്ചുനിർത്താൻ കേന്ദ്ര-സംസ്ഥാന സർക്കാറുകൾക്ക് കഴിയുന്നുണ്ട്. ജി.എസ്.ടി പരിധിക്കുകീഴിൽ കൊണ്ടുവരുന്നതോടെ ഇന്ധനവില നിയന്ത്രിക്കാനാവും. ഇന്ധനത്തിന് വിൽപന നികുതി, അധിക നികുതി, സെസ് തുടങ്ങിയവ ചുമത്തുന്നതിൽനിന്ന് സംസ്ഥാന സർക്കാറിനെ തടയണമെന്നും ഹരജിയിൽ ആവശ്യപ്പെടുന്നു