ഇരിട്ടി: കര്ണ്ണാടകയില് നിന്നും പച്ചക്കറി വണ്ടിയില് കടത്താന് ശ്രമിച്ച 80 കുപ്പി മദ്യം പോലീസ് പിടികൂടി.ലോക് ഡൗണിന് ശേഷം കര്ണ്ണാടകത്തില് നിന്നും എഴാം തവണയാണ് അനധികൃത മദ്യക്കടത്ത് പോലീസ് മാത്രം പിടികൂടിയത്. അതിര്ത്തിയില് ഏര്പ്പെടുത്തിയ പോലീസ് എയ്ഡ് പോസ്റ്റില് നടത്തിയ പരിശോധനയിലാണ് 80 കുപ്പികളായി 70 ലിറ്റര് മദ്യം വീണ്ടും പിടികൂടിയത്. പച്ചക്കറി വണ്ടിയുടെ ഉളളില് ഒളിപ്പിച്ച നിലയിലായിരുന്നു മദ്യ ശേഖരം. മട്ടന്നൂര് കീഴല്ലൂര് സ്വദേശികളായ രൂപേഷ്, സന്തോഷ് എന്നിവരെ അറസ്റ്റ് ചെയ്തു. മറ്റൊരു കേസില് കാറില് കടത്താന് ശ്രമിച്ച 4.38 ഗ്രാം എം ഡി എം എ യുമായി കാക്കയങ്ങാട് സ്വദേശി ആരീഫിനെയും പോലീസ് അറസ്റ്റ് ചെയ്തു.