ന്യൂഡൽഹി: കോവിഡ് നൂറ്റാണ്ട് കണ്ട ഏറ്റവും വലിയ ദുരന്തം എന്ന് പ്രധാനമന്ത്രി നരേന്ദ്രമോദി. ഇന്ത്യയുൾപ്പെടെ പല രാജ്യങ്ങളും ഈ പ്രതിസന്ധി നേരിടുന്നുണ്ട് എന്നും അദ്ദേഹം പറഞ്ഞു. ബുദ്ധപൂർണിമയോടനുബന്ധിച്ച് രാജ്യത്തെ അഭിസംബോധന ചെയ്തു സംസാരിക്കുകയായിരുന്നു പ്രധാനമന്ത്രി. കോവിഡിന് മുമ്പുള്ള ലോകം ആയിരിക്കില്ല ഇനി. കോവിഡിനെ പരാജയപ്പെടുത്തുന്നതിൽ നിർണായക പങ്കാണ് വാക്സിനുള്ളത്. കോവിഡിനെക്കുറിച്ച് ഇപ്പോൾ നന്നായി അറിയാം. ഇത് കോവിഡിനെതിരെ പോരാടാൻ നമ്മളെ സഹായിക്കും. വാക്‌സിൻ കണ്ടുപിടിക്കുന്നതിനു വേണ്ടി പ്രവർത്തിച്ച ശാസ്ത്രജ്ഞരെക്കുറിച്ച് ഓർത്ത് അഭിമാനിക്കുന്നുവെന്നും അദ്ദേഹം പറഞ്ഞു. കോവിഡിനെ തുരത്താൻ സാധ്യമായതെല്ലാം ചെയ്യുന്നുണ്ട്. അതേസമയം മറ്റു വെല്ലുവിളികളെ നാം ശ്രദ്ധിക്കാതെ പോകരുത്. അതിൽ പ്രധാനപ്പെട്ട ഒന്നാണ് കാലാവസ്ഥാവ്യതിയാനം. നദികളും കാടും അപകടാവസ്ഥയിലാണ് എന്നും അദ്ദേഹം പറഞ്ഞു.
കോവിഡ് നൂറ്റാണ്ട് കണ്ട ഏറ്റവും വലിയ ദുരന്തം എന്ന് പ്രധാനമന്ത്രി…
