കണ്ണൂർ: ജില്ലയില് കോവിഡ് വര്ധിച്ച സാഹചര്യത്തില് 31 പ്രാഥമിക, കുടുംബാരോഗ്യ കേന്ദ്രങ്ങളില് സായാഹ്ന ഒപി നിര്ത്തലാക്കിക്കൊണ്ട് ജില്ലാ ദുരന്ത നിവാരണ അഥോറിറ്റി ചെയര്മാന് കൂടിയായ ജില്ലാ കളക്ടര് ടി.വി. സുഭാഷ് ഉത്തരവിട്ടു. അഞ്ചരക്കണ്ടി, ചപ്പാരപ്പടവ്, ചെങ്ങളായി, ചെറുകുന്ന്തറ, ചിറക്കല്, ചിറ്റാരിപ്പറമ്പ്, ധര്മടം, എരമം കുറ്റൂര്, എട്ടിക്കുളം, കടന്നപ്പള്ളി, കല്യാശേരി, കാങ്കോല് -ആലപ്പടമ്പ്, കതിരൂര്, കൂടാളി, കോട്ടയം-മലബാര്, കുഞ്ഞിമംഗലം, കുറുമാത്തൂര്, കുറ്റ്യാട്ടൂര്, മലപ്പട്ടം, മാട്ടൂല്, മൊകേരി, മൊറാഴ, മുണ്ടേരി, ന്യൂമാഹി, പന്ന്യന്നൂര്, പട്ടുവം, തില്ലങ്കേരി, വളപട്ടണം, വേങ്ങാട്, കാടാച്ചിറ, ഉളിക്കല് എന്നീ പ്രാഥമിക/ കുടുംബാരോഗ്യ കേന്ദ്രങ്ങളുടെ സായാഹ്ന ഒപികളാണ് താത്കാലികമായി നിര്ത്തിവച്ചത്.