കണ്ണൂർ: കോവിഡ് പശ്ചാത്തലത്തില് ചില തദ്ദേശ സ്വയംഭരണ സ്ഥാപനങ്ങള് സ്വയം ലോക്ക് ഡൗണ് പ്രഖ്യാപിക്കുന്നതായി ശ്രദ്ധയില്പ്പെട്ടിട്ടുണ്ടെന്നും ഇത് നിയമപരമായി നിലനില്ക്കുന്നതല്ലെന്നും ജില്ലാ കളക്ടര് ടി.വി. സുഭാഷ് അറിയിച്ചു.
കേസുകള് കൂടിവരുന്ന ഇടങ്ങളില് ഇപ്പോള് 144 പ്രഖ്യാപിച്ച് നിയന്ത്രണങ്ങള് ഏര്പ്പെടുത്തുന്നുണ്ട്.
അതില് തന്നെ കൂടുതല് നിയന്ത്രണങ്ങള് ആകാം. ദേശീയ ദുരന്ത നിവാരണ അഥോറിറ്റി, സംസ്ഥാന ദുരന്ത നിവാരണ അഥോറിറ്റി, ജില്ലാ ദുരന്ത നിവാരണ അഥോറിറ്റി/ ചീഫ് സെക്രട്ടറി, റവന്യൂ സെകട്ടറി, ജില്ലാ കളക്ടര് (ജില്ലാ മജിസ്ട്രേറ്റ് ) എന്നിവര്ക്കു മാത്രമാണ് ഈ ഉത്തരവുകള് അതത് സാഹചര്യങ്ങളില് ഇറക്കാനുള്ള അധികാരങ്ങള് ഉള്ളത്.
ബദല് സംവിധാനങ്ങള് ഉറപ്പാക്കാതെ ലോക്ക് ഡൗണ് പ്രഖ്യാപിക്കില്ലെന്നും ജില്ലാ കളക്ടര് അറിയിച്ചു.
previous post