അടയ്ക്കാത്തോട് സെന്റ് ജോസഫ്സ് ഹൈസ്ക്കൂളിൽ ലഹരി വിരുദ്ധ പ്രവർത്തനങ്ങൾക്ക് തുടക്കം കുറിച്ചു.
അടയ്ക്കാത്തോട് സെന്റ് ജോസഫ്സ് ഹൈസ്ക്കൂളിൽ ലഹരി വിരുദ്ധ ക്ലബ്ബിന്റെ ആഭിമുഖ്യത്തിൽ ലഹരിക്കെതിരെ ജെ. ആർ സി , ഗൈഡ്സ് , ലിറ്റിൽ കൈറ്റ്സ് എന്നിവയുടെ സഹകരണത്തോടെ നാൽപ്പത് ഇന പ്രവർത്തനങ്ങൾക്ക് തുടക്കം കുറിച്ചു.
ലഹരിക്കെതിരെ കുടുംബ ച്ചങ്ങല തീർത്ത് രക്ഷിതാക്കളോടൊപ്പം അധ്യാപകരും അണിനിരന്നു. ലഹരി വിരുദ്ധ ബോധവത്ക്കരണ ക്ലാസ്സും ലഘുലേഖ വിതരണോദ്ഘാടനവും നിർവ്വഹിച്ചു. യോഗത്തിൽ സ്കൂൾ മാനേജർ ഫാദർ സെബിൻ ഐക്കര ത്താഴത്ത് അധ്യക്ഷത വഹിച്ചു. ഹെഡ് മാസ്റ്റർ ജോസ് സ്റ്റീഫൻ ,പി ടി എ പ്രസിഡന്റ് ജെയിംസ് അഗസ്റ്റിൻ, എം പി ടി എ പ്രസിഡന്റ് മിനി തോമസ് , ലഹരി വിരുദ്ധ ക്ലബ്ബ് കൺവീനർ റിജോയ് എം എം , ജോഷി ജോസഫ് , ജോസ് ജോസഫ് ,എന്നിവർ പ്രസംഗിച്ചു. സോളി ജോസഫ് , മഞ്ജുള എ, ജസീന്ത കെ.വി , സിസ്റ്റർ ആൻ മരിയ, സാന്ദ്ര തോമസ്, സുജ പി ഡി , ഡിലീന ഡിൽസൺ, മാത്യു സി ജെ , ബിജു പി.എം, സിബി സെബാസ്റ്റ്യൻ, അനിറ്റ് ഷാജി എന്നിവർ നേതൃത്വം നൽകി.
