എടൂർ: കെ.എം. മാണിയുടെ രണ്ടാം ചരമവാർഷികത്തിന്റെ ഭാഗമായി കേരള കോൺഗ്രസ് -എം അയ്യൻകുന്ന്, ആറളം, പായം മണ്ഡലം കമ്മിറ്റിയുടെ സംയുക്താഭിമുഖ്യത്തിൽ വിളമന പ്രൊവിഡൻസ് ഹോമിലെ അന്തേവാസികൾക്ക് ഭക്ഷണസാധനങ്ങളും സാമ്പത്തിക സഹായവും നൽകി. സഹായം പ്രൊവിഡൻസ് ഹോം മദർ സുപ്പീരിയർ സിസ്റ്റർ തെരേസ ഏറ്റുവാങ്ങി. നേതാക്കളായ ബെന്നിച്ചൻ മഠത്തിനകം, സി.എം. ജോർജ്, വിപിൻ തോമസ്, അൽഫോൻസ് കളപ്പുര, എ.കെ. രാജു, പി.എ. മാത്യു, എബ്രഹാം വെട്ടിക്കൽ, ജോർജ് ഓരത്തെൽ, ഗർവാസിസ് കേളിമാറ്റം, ജോസ് മാപ്പിളപറമ്പിൽ, അപ്പച്ചൻ തുരുത്തേൽ, ജോജി ചക്കിയത്ത്, അപ്പച്ചൻ വള്ളി കാവുങ്കൽ, സന്തോഷ് ദേവസ്യം, ബേബി പുതുപ്പള്ളി, ലിറ്റോ കുടിലിൽ, ജോസഫ് തുണ്ടത്തിൽ തുടങ്ങിയവർ പങ്കെടുത്തു.
കണിച്ചാർ: കേരള കോൺഗ്രസ് -എം പേരാവൂർ മേഖലയുടെ ആഭിമുഖ്യത്തിൽ കെ എം. മാണിയുടെ രണ്ടാമത് ചരമ വാർഷികം ആചരിച്ചു.
കണിച്ചാർ ജീസസ് ശിശുഭവനിൽ നടത്തിയ യോഗം കേരള കോൺഗ്രസ് -എം സംസ്ഥാന കമ്മിറ്റി മെംബർ ജോർജ്മാത്യു ഉദ്ഘാടനം ചെയ്തു.
ജില്ലാ ട്രഷറർ തോമസ് മാലത്ത് അധ്യക്ഷത വഹിച്ചു. ജീസസ് ശിശുഭവൻ ഡയറക്ടർ സിസ്റ്റർ വിമല, ഡോ. ബോബൻ കുഞ്ചെറിയ, ബ്രിട്ടോ ജോസ്, കെ.ടി. ജോസ്, തോമസ് വടശരി എന്നിവർ പ്രസംഗിച്ചു.