കണ്ണൂർ: കണ്ണൂർ-കാസർഗോഡ് ജില്ലകളിലേക്കുള്ള പോസ്റ്റൽ ബാലറ്റുകളുടെ അച്ചടി പൂർത്തിയായി വിതരണം തുടങ്ങി. കാസർഗോഡ് ജില്ലയിലെ അഞ്ചു മണ്ഡലങ്ങളിലെയും കണ്ണൂർ ജില്ലയിലെ 11 മണ്ഡലങ്ങളിലെയും 1,46,500 പോസ്റ്റൽ ബാലറ്റുകളാണ് കണ്ണൂർ ഗവ. പ്രസിൽ അച്ചടിച്ചത്. അച്ചടി പൂർത്തിയാക്കിയ പോസ്റ്റൽ ബാലറ്റുകൾ ഇന്നലെമുതൽ വിതരണം ചെയ്തുതുടങ്ങി. പോസ്റ്റൽ ബാലറ്റുകളുടെ എണ്ണം മണ്ഡലം തിരിച്ച് ബ്രായ്ക്കറ്റിൽ; കാസർഗോഡ് ജില്ല- മഞ്ചേശ്വരം (5000), കാസർഗോഡ് (5000), ഉദുമ (6500), കാഞ്ഞങ്ങാട് (10,000), തൃക്കരിപ്പൂർ (15,000), കണ്ണൂർ ജില്ല-പയ്യന്നൂർ (8000), കല്യാശേരി (12,000), തളിപ്പറന്പ് (8000), ഇരിക്കൂർ (11,000), അഴീക്കോട് (7000), കണ്ണൂർ (8000), ധർമടം (15,000), തലശേരി (10,000), കൂത്തുപറന്പ് (7000), മട്ടന്നൂർ (10,000), പേരാവൂർ (9000). കാസർഗോഡ് ജില്ലയ്ക്കുവേണ്ടി 41,500 പോസ്റ്റൽ ബാലറ്റുകളും കണ്ണൂർ ജില്ലയ്ക്കുവേണ്ടി 1,05,000 പോസ്റ്റൽ ബാലറ്റുകളുമാണ് തയാറാക്കിയത്.