കണ്ണൂർ: ജില്ലാ ആശുപത്രിക്ക് പുതുതായി അനുവദിച്ച 1.32 കോടിയുടെ ഉപകരണങ്ങള്‍ മന്ത്രി കടന്നപ്പള്ളി രാമചന്ദ്രന്‍ ആശുപത്രിക്ക് സമര്‍പ്പിച്ചു. മന്ത്രിയുടെ എംഎല്‍എ ആസ്തി വികസന ഫണ്ടില്‍ നിന്നും 20 ലക്ഷം രൂപയുടെ നാല് ഡയാലിസിസ് മെഷീനുകള്‍, 10 ലക്ഷം രൂപയുടെ മള്‍ട്ടിപാരാ മോണിറ്ററുകള്‍, വെന്‍റിലേറ്റര്‍ ഉള്‍പ്പെടെയുള്ള ഒരു കോടി രൂപയുടെ കോവിഡ് പ്രതിരോധ ഉപകരണങ്ങള്‍ എന്നിവയാണ് ആശുപത്രിക്കായി അനുവദിച്ചത്.
ഇതോടെ ജില്ലാ ആശുപത്രിയില്‍ ഡയാലിസിസ് മെഷീനുകളുടെ എണ്ണം 23 ആയി. ജില്ലാ ആശുപത്രി കോണ്‍ഫറന്‍സ് ഹാളില്‍ നടന്ന പരിപാടിയില്‍ ജില്ലാ പഞ്ചായത്ത് പ്രസിഡന്‍റ് പി.പി. ദിവ്യ അധ്യക്ഷത വഹിച്ചു. മേയര്‍ ടി.ഒ. മോഹനന്‍, അഡ്വ. രത്‌നകുമാരി, ദേവഗൗഡി മൗനിക, ഡോ.പി.കെ. അനില്‍കുമാര്‍, ഡോ. പ്രീത, ഡോ. വി.കെ. രാജീവന്‍, വി. ചന്ദ്രന്‍ എന്നിവര്‍ പങ്കെടുത്തു.
ജില്ലാ ആശുപത്രിക്ക് 1.32 കോടിയുടെ ഉപകരണങ്ങള്‍
