ഓണാഘോഷങ്ങൾക്കിടയിൽ മഞ്ഞളാംപുറം ചുണ്ടൻ ഒരു വേറിട്ട കാഴ്ചയായി

ഓണാഘോഷങ്ങളുടെ ഭാഗമായായിരുന്നു മഞ്ഞളാംപുറം യുപി സ്കൂളിൽ മഞ്ഞളാംപുറം ചുണ്ടൻഎന്ന പേരിൽ ഒരു ചുണ്ടൻ വള്ളം നിർമ്മിച്ചത്.അധ്യാപകരുടെയും രക്ഷിതാക്കളുടെയും നേതൃത്വത്തിൽ സ്കൂൾ മുറ്റത്തൊരുക്കിയ ചുണ്ടൻ വള്ളം ഒരു വേറിട്ട കാഴ്ചയായി.ശാസ്ത്ര,ഗണിത ശാസ്ത്ര ക്ലബ്ബിന്റെ ആശയത്തോട് കൂടിയായിരുന്നു പിടിഎയുടെ നേതൃത്വത്തിൽ സ്കൂൾ മുറ്റത്ത് ഇങ്ങനെ ഒരു ചുണ്ടൻ വള്ളം നിർമ്മിച്ചത്.സ്കൂൾ പ്രതിനിധി ബിജുവിന്റെ നേതൃത്വത്തിൽ ആയിരുന്നു ചുണ്ടൻ വള്ളത്തിന്റെ നിർമ്മാണം മരത്തടിയും കാർബോർഡ് കഷണങ്ങൾ ഉപയോഗിച്ചാണ് ചുണ്ടൻ വള്ളം തയ്യാറാക്കിയത്.കുട്ടികൾക്ക് ചുണ്ടൻ വള്ളത്തെ കുറിച്ച് അറിയുവാനും അതിനെക്കുറിച്ച് പഠിക്കുവാനും ഇതുകൊണ്ട് സാധിച്ചതായി അധ്യാപിക പിഡി റോസമ്മ പറഞ്ഞു.ഏകദേശം രണ്ടുമാസത്തെ പരിശ്രമത്തിൽ ഒടുവിലാണ് ചുണ്ടൻ വള്ളം നിർമ്മിച്ചതെന്ന് ബിജു പറഞ്ഞു.