തമിഴ്നാട്ടിൽ മലയാളി വിദ്യാർത്ഥികൾക്ക് സീനിയർ വിദ്യാർത്ഥികളുടെ ക്രൂരമർദനമെന്ന് പരാതി, പരാതി നൽകി വിദ്യാർത്ഥികൾ

ചെന്നൈ: തമിഴ്നാട്ടിൽ മലയാളി വിദ്യാർത്ഥികൾക്ക് മലയാളികളായ സീനിയർ വിദ്യാർത്ഥികളുടെ ക്രൂരമർദ്ദനം. ചെങ്കൽപ്പെട്ട് ശ്രീ സത്യസായി മെഡിക്കൽ കോളജ് ആൻഡ് റിസർച്ച് ഇൻസ്റ്റിറ്റ്യൂട്ടിലെ രണ്ടാം വർഷ വിദ്യാർഥികൾക്കാണ് മർദ്ദനമേറ്റത്. അടിവസ്ത്രത്തിൽ നിർത്തി ക്രൂര മർദ്ദനത്തിന് ഇരയാക്കിയെന്ന് കരുനാഗപ്പള്ളി സ്വദേശിയായ വിദ്യാർത്ഥി അലി അഷ്കർ പറഞ്ഞു. ചവറ സ്വദേശി അർജുനും മർദ്ദനമേറ്റു. കരുനാഗപ്പള്ളി, ചവറ സ്റ്റേഷനുകളിൽ വിദ്യാർത്ഥികൾ പരാതി നൽകി. താമസ സ്ഥലത്തേക്ക് വിളിപ്പിച്ച ശേഷം കാരണമില്ലാതെ മർദ്ദിച്ചെന്നാണ് പരാതി. കൂടുതർ പേർ മർദ്ദനത്തിന് ഇരയായിട്ടുണ്ടെന്നും വിദ്യാർത്ഥികൾ പറയുന്നു.