ബീക്കൺ ടൗൺ പദ്ധതിയുടെ ഭാഗമായി യുണൈറ്റഡ് മർച്ചൻസ് ചേമ്പർ കൊട്ടിയൂർ വനിതാ വിങ്ങിന്റെ നേതൃത്വത്തിൽ കൊട്ടിയൂർ ടൗണിലെ പൊതുകിണറും പരിസരവും വഴിയും ശുചീകരിച്ചു.
കൊട്ടിയൂർ: ബീക്കൺ ടൗൺ പദ്ധതിയുടെ ഭാഗമായി യുണൈറ്റഡ് മർച്ചന്റ്സ് ചേമ്പർ (UMC) കൊട്ടിയൂർ വനിതാ വിംഗിന്റെ നേതൃത്വത്തിൽ കൊട്ടിയൂർ ടൗണിലെ പൊതു കിണറും പരിസരവും ശുചീകരിച്ചു.
ഗവൺമെന്റ് ഹോമിയോ ഡിസ്പെൻസറി, കൃഷിഭവൻ, വയോജന വിശ്രമ കേന്ദ്രം, ടൗണിലെ വിവിധ വ്യാപാര സ്ഥാപനങ്ങൾ എന്നിവിടങ്ങളിലേക്ക് വെള്ളമെടുക്കുന്നത് ഈ പൊതു കിണറ്റിൽ നിന്നാണ്. അടുത്ത ദിവസം കൊട്ടിയൂർ ടൗണിലെ വ്യാപാര സ്ഥാപനങ്ങൾ പൂർണ്ണമായും അടച്ചിട്ട് വിപുലമായ ശുചീകരണം നടത്താൻ തീരുമാനിച്ചിട്ടുണ്ട്. ഇതിന്റെ മുന്നോടിയായാണ് യുഎംസി വനിതാ വിംഗിന്റെ നേതൃത്വത്തിൽ പൊതു കിണറും പരിസരവും വൃത്തിയാക്കിയത്.
ശുചീകരണ പ്രവർത്തനങ്ങൾക്ക് വനിതാ വിംഗ് വൈസ് പ്രസിഡണ്ട് ബിജി ഷാജി, സെക്രട്ടറി ഷിജിന സുരേഷ്, ട്രഷറർ സ്മിതാ ഷാജി, സി.എസ്. നിഷ, സി.കെ. ബിന്ദു, ലൈജി ബിനോയി, എം.വി. ഗീത, ബിജി ബാബു എന്നിവർ നേതൃത്വം നൽകി.
യുഎംസി പ്രസിഡണ്ട് ഷാജി തോമസ്, സെക്രട്ടറി സി.കെ. വിനോദ്, ട്രഷറർ ജി. സന്തോഷ് കുമാർ, എം.എം. സണ്ണി, സിബി പാറക്കൽ തുടങ്ങിയവരും പ്രവർത്തനങ്ങൾക്ക് നേതൃത്വം നൽകിക്കൊണ്ട് ഒപ്പമുണ്ടായിരുന്നു.
