മലയാറ്റൂർ കുരിശുമല കയറുന്നതിനിടെ ദേഹാസ്വാസ്ഥ്യത്തെത്തുടർന്ന് യുവാവ് മരിച്ചു. കണ്ണൂർ കരോട്ടുപാറയിൽ വീട്ടിൽ മനു ജോസഫ് (36) ആണ് മരിച്ചത്. ഞായർ രാവിലെയാണ് സംഭവം.
മലകയറ്റത്തിനിടെ 14-ാം സ്ഥലത്ത് വച്ച് ദേഹാസ്വാസ്ഥ്യം അനുഭവപ്പെട്ടതോടെ ആരോഗ്യപ്രവർത്തകർ എത്തി താഴെയിറക്കി ആംബുലൻസിൽ അങ്കമാലി ലിറ്റിൽ ഫ്ളവർ ആശുപത്രിയിൽ പ്രവേശിപ്പിച്ചെങ്കിലും മരിച്ചു. കാലടി പൊലീസ് മേൽനടപടികൾ സ്വീകരിച്ച് മൃതദേഹം പോസ്റ്റുമോർട്ടത്തിനായി എറണാകുളം മെഡിക്കൽ കോളേജിൽ പ്രവേശിപ്പിച്ചു.