ഹൈദരാബാദ്: തെലങ്കാനയില് ഗണേശ വിഗ്രഹ നിമജ്ജനത്തിനിടെ പുഴയില് വീണ് ആറ് വിദ്യാര്ത്ഥികള് മുങ്ങിമരിച്ചു. ബുധനാഴ്ച വൈകുന്നേരമാണ് നാടിനെ നടുക്കിയ ദുരന്തം. സന്നദ്ധ സംഘടന നടത്തുന്ന ഹോസ്റ്റലില് താമസിച്ച് പഠിച്ചിരുന്ന എട്ട് വിദ്യാര്ത്ഥികളാണ് വിഗ്രഹ നിമജ്ജനത്തിനായി തടാകക്കരയില് എത്തിയത്. ചടങ്ങിനിടെ എട്ടുപേരും അബദ്ധത്തില് തടാകത്തിലേക്ക് വഴുതിവീഴുകയായിരുന്നു. ഇവരില് രണ്ടുപേര് നീന്തി രക്ഷപ്പെട്ടെങ്കിലും ബാക്കി ആറുപേര് മുങ്ങിത്താഴുകയായിരുന്നു.
തടാകത്തിലെ ചെളിയും അയഞ്ഞ മണ്ണുമാണ് ദുരന്തത്തിന് കാരണമായതെന്നാണ് പ്രാഥമിക നിഗമനം. സംഭവസ്ഥലത്തുണ്ടായിരുന്ന ഒരു പൊലീസ് കോണ്സ്റ്റബിള് ഉടന്തന്നെ കുട്ടികളെ കരയ്ക്കെത്തിച്ച് സിപിആര് നല്കി രക്ഷിക്കാന് ശ്രമിച്ചെങ്കിലും ഫലമുണ്ടായില്ല. വിജനമായ പ്രദേശത്തായിരുന്ന തടാകത്തില് സംഭവസമയത്ത് രക്ഷാപ്രവര്ത്തനത്തിനായി മുതിര്ന്നവര് ആരും ഉണ്ടായിരുന്നില്ല എന്ന് പൊലീസ് ഉദ്യോഗസ്ഥര് പറയുന്നു.
