മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി.ശിവന്‍കുട്ടിയും മറ്റു ഉദ്യോഗസ്ഥസംഘവും യൂറോപ്പ് സന്ദര്‍ശിക്കാനൊരുങ്ങുന്നു.
നോര്‍വേ, ഫിന്‍ലന്‍ഡ് തുടങ്ങിയ രാജ്യങ്ങളിലാണ് സന്ദര്‍ശം നടത്തുന്നത്. രണ്ടാഴ്ച നീളുന്ന സന്ദര്‍ശനത്തിനായി ഒക്ടോബര്‍ ആദ്യം തന്നെ സംഘം യാത്ര തിരിക്കും.
ചീഫ് സെക്രട്ടറി വി.പി.ജോയി, മറ്റ് ഉന്നത ഉദ്യോഗസ്ഥര് എന്നിവരും സംഘത്തിലുണ്ടാകും. വിദ്യാഭ്യാസ മേഖലയിലെ സഹകരണത്തിനായി ഫിന്‍ലാന്‍ഡ് ക്ഷണിച്ചതിനെ തുടര്‍ന്നാണ് യൂറോപ്പ് സന്ദര്‍ശനമെന്നാണ് സര്‍ക്കാര്‍ വിശദീകരണം.
നേരത്തെ പ്രളയത്തെ അതിജീവിക്കുന്നതിനായി നെതര്‍ലന്‍ഡ് മുഖ്യമന്ത്രി സന്ദര്‍ശിച്ചിരുന്നു. രാജ്യം സ്വീകരിച്ച മാര്‍ഗങ്ങള്‍ പഠിക്കാനും നേരിട്ട് മനസിലാക്കാനും ആ സന്ദര്‍ശനത്തിലൂടെ സാധിച്ചു എന്ന് മുഖ്യമന്ത്രി പറഞ്ഞിരുന്നു. ഡച്ച് മാതൃകയായ റൂം ഫോര്‍ റിവര്‍ എന്ന ആശയം കേരളത്തിലും നടപ്പാക്കുമെന്നും അദ്ദേഹം അന്ന് പറഞ്ഞു.