തിരുവനന്തപുരം: തിരുവനന്തപുരത്ത് യുവാവിന്റെ കാലിലൂടെ കെഎസ്ആര്ടിസി ബസ് കയറിയിറങ്ങി. നന്ദിയോട് ആലുംമൂട് സ്വദേശി നിഖിലിനാണ് (22) പരിക്കേറ്റത്. തിരുവനന്തപുരം പാലോട്- ഇളവട്ടത്തിനും കുറുപുഴയ്ക്കും ഇടയിലാണ് അപകടമുണ്ടായത്. നെടുമങ്ങാട് ഭാഗത്തേക്ക് പോകുന്നതിനിടെ തൊട്ടുമുന്നില് സഞ്ചരിച്ച പൊലീസ് ജീപ്പില് ഇടിക്കാതിരിക്കാന് ബൈക്ക് വെട്ടിച്ചപ്പോഴാണ് അപകടമുണ്ടായത്. ബസ്സിന്റെ മുന്ചക്രം നിഖിലിന്റെ ഇരുകാലുകളിലൂടെയും കയറിയിറങ്ങുകയായിരുന്നു. ഉടന് തന്നെ നിഖിലിനെ സ്വകാര്യ ആശുപത്രിയില് പ്രവേശിപ്പിച്ചു. സംഭവത്തില് പാലോട് പൊലീസ് കേസെടുത്തു.
