ജമ്മുവിലെ സാംബ അതിര്ത്തിയില് നുഴഞ്ഞുകയറ്റശ്രമം വിഫലമാക്കി അതിര്ത്തിരക്ഷാസേന. രാജ്യാന്തര അതിര്ത്തിയിലൂടെ ഒളിച്ചുകടക്കാന് ശ്രമിച്ച പാക് പൗരന് വെടിയേറ്റുമരിച്ചു. രാംഗഡ് സെക്ടറിലെ മാജ്റ ബോര്ഡര് ഔട്ട്പോസ്റ്റിനരികെ ഞായറാഴ്ച രാത്രിയാണ് സൈനികര് ആളനക്കം ശ്രദ്ധിച്ചത്. പലതവണ മുന്നറിയിപ്പ് നല്കിയിട്ടും ഇയാള് തിരികെപ്പോകാനോ കീഴടങ്ങാനോ കൂട്ടാക്കിയില്ല. ഒടുവില് സൈന്യം വെടിയുതിര്ത്തു.
മുഹമ്മദ് ആരിഫ് അതിര്ത്തി കടക്കാനുള്ള കാരണമടക്കം പൊലീസ് അന്വേഷിക്കും. അതേസമയം സാംബ ജില്ലയിലെ ദാബോയില് പാക് ബന്ധമുണ്ടെന്ന് കരുതുന്ന ഒരാളെ ജമ്മുകശ്മിര് പൊലീസ് കസ്റ്റഡിയില് എടുത്തു. പതിവ് പരിശോധനയ്ക്കിടയിലാണ് ഇയാളെ പിടികൂടിയത്. മൊബൈല് ഫോണില് പാക്കിസ്ഥാനിലെ ഒട്ടേറെ ഫോണ് നമ്പറുകള് സേവ് ചെയ്തതായി ശ്രദ്ധയില്പ്പെട്ട പൊലീസുകാര് വിശദമായ അന്വേഷണത്തിനായി പൊലീസ് സ്റ്റേഷനിലേക്ക് കൊണ്ടുപോയി. ഇയാളുടെ കൈവശമുള്ള കോണ്ടാക്ട് നമ്പറുകളുടെ സ്വഭാവം സുരക്ഷാ ഏജന്സികള് പരിശോധിച്ചുവരികയാണ്.
