വെള്ളാപ്പള്ളി നടേശനെ മുഖ്യമന്ത്രി കാറിൽ കയറ്റിയത് സംബന്ധിച്ച വിവാദത്തെ വിമർശിച്ച് എസ്എൻഡിപി യോഗം മുഖമാസികയായ യോഗനാദം. “യാത്രാ വിവാദത്തിൽ തെളിയുന്നത് തൊട്ടുകൂടായ്മയുടെ വികൃത മുഖമെന്നാണ് വിമർശനം. സിപിഐക്കെതിരെയും യോഗനാദത്തിൽ വിമർശനമുണ്ട്.
സ്വാതന്ത്ര്യം ലഭിച്ച് 78 വർഷം കഴിഞ്ഞിട്ടും അധസ്ഥിത വിഭാഗങ്ങളോടുള്ള അയിത്തം തുടരുന്നതിന്റെ തെളിവാണ് അപഹാസ്യ ചർച്ചകളെന്നും വിമർശനം. ഈഴവ പിന്നാക്ക വിഭാഗങ്ങളാണ് സിപിഎമ്മിന്റെയും സിപിഐയുടെയും നട്ടെല്ല്. സിപിഐയുടെ നവ നേതൃത്വത്തിന് ഇപ്പോൾ ആ ബോധ്യമില്ലെന്നാണ് യോഗനാദത്തിൽ വിമർശനം. ഉയർന്ന വിഭാഗത്തിൽ നിന്നുള്ള ആളോ ന്യൂനപക്ഷ വിഭാഗത്തിൽ നിന്നുള്ള ആളോ മുഖ്യമന്ത്രിയുടെ കാറിൽ കയറിയാൽ ഇത്തരത്തിൽ ചർച്ചകൾ നടക്കുകയില്ലെന്ന് യോഗനാദത്തിൽ പറയുന്നു. വെളളാപ്പള്ളി നടേശനെ മുഖ്യമന്ത്രി കാറിൽ കയറ്റിക്കൊണ്ടുപോയത് രാജ്യദ്രോഹം പോലെ വരുത്തിതീർക്കാനാണ് ശ്രമം നടത്തുന്നതെന്നും വിമർശനം.
