രണ്ടാം പീഡന കേസ്: രാഹുല് മാങ്കൂട്ടത്തില് നാളെ ക്രൈംബ്രാഞ്ച് അന്വേഷണ സംഘത്തിന് മുന്നില് ഹാജരായേക്കില്ല
രണ്ടാമത്തെ പീഡന കേസില് രാഹുല് മാങ്കൂട്ടത്തില് നാളെ ക്രൈംബ്രാഞ്ച് അന്വേഷണ സംഘത്തിന് മുന്നില് ഹാജരായേക്കില്ല. ഹാജരാകണമെന്നറിയിച്ച് ഒരറിയിപ്പും വിവരവും കിട്ടിയിട്ടില്ലെന്ന് രാഹുല് വ്യക്തമാക്കി. തിരുവനന്തപുരം ജില്ലാ കോടതിയില് നിന്നുള്ള മുന്കൂര്ജാമ്യ വ്യവസ്ഥയില് 15 ന് ഹാജരാകണമെന്ന് അറിയിച്ചിരുന്നു. അന്വേഷണ സംഘം ആവശ്യപ്പെട്ടാല് ഹാജരാകുമെന്നും രാഹുല് വ്യക്തമാക്കി.
അതേസമയം, ബലാത്സംഗ കേസില് രാഹുല് മാങ്കൂട്ടത്തലിന്റെ മുന്കൂര് ജാമ്യാപേക്ഷ ഹൈക്കോടതി നാളെ പരിഗണിക്കും. ഹൈക്കോടതി രാഹുലിന്റെ അറസ്റ്റ് തടഞ്ഞിരുന്നു. ജസ്റ്റിസ് കെ ബാബുവിന്റെ ബെഞ്ചാണ് മുന്കൂര് ജാമ്യാപേക്ഷ പരിഗണിക്കുക.
അഡ്വക്കറ്റ് എസ് രാജീവാണ് രാഹുലിന്റെ അഭിഭാഷകന്. കേസ് കെട്ടിച്ചമച്ചതും രാഷ്ട്രീയ പ്രേരിതവുമെന്നാണ് രാഹുലിന്റെ വാദം. രാഹുലിന്റെ മുന്കൂര് ജാമ്യാപേക്ഷയെ സര്ക്കാര് എതിര്ക്കും.
