തൊഴിൽ നിയമങ്ങളിൽ നടപ്പിലാക്കി കേന്ദ്രസർക്കാർ. സമഗ്രമായ നാല് പുതിയ ലേബർ കോഡുകൾ അവതരിപ്പിച്ചു. വേതന കോഡ് (2019), തൊഴിൽ സുരക്ഷ, ആരോഗ്യം, തൊഴിൽ സാഹചര്യ കോഡ്(2020), സാമൂഹിക സുരക്ഷാ കോഡ് (2020) വ്യവസായ ബന്ധ കോഡ് (2020) എന്നിവയാണ് പ്രാബല്യത്തിൽ വന്നത്. പതിറ്റാണ്ടുകൾക്ക് ശേഷം രാജ്യത്തെ തൊഴിൽ നിയമങ്ങളിൽ വരുത്തുന്ന ഏറ്റവും വലിയ പരിഷ്കരണമാണിത്.
29 വിവിധ നിയമങ്ങൾ ഏകീകരിച്ചുകൊണ്ട്, മുമ്പ് ഒഴിവാക്കപ്പെട്ടിരുന്ന ഗിഗ്, ഓൺലൈൻ പ്ലാറ്റ്ഫോം തൊഴിലാളികളെയും കൂടെ ഉൾപ്പെടുത്തിയാണ് പുതിയ ലേബർ കോഡുകൾ തയ്യറാക്കിയിരിക്കുന്നത്. ഇന്ത്യയിലെ 50 കോടിയോളം വരുന്ന ശക്തമായ തൊഴിലാളി സമൂഹത്തിന് സാമൂഹിക സുരക്ഷയും ന്യായമായ വേതനവും ഉറപ്പാക്കുക എന്നതിനൊപ്പം തൊഴിൽസ്ഥാപനങ്ങളുടെ വിധേയത്വം ലളിതമാക്കുക എന്നതുകൂടി ഈ പരിഷ്കരണത്തിന്റെ ലക്ഷ്യമാണ്. അതേസമയം, എച്ച്ആർ, പേറോൾ(കമ്പനിയിലെ ജീവനക്കാരുടെ എണ്ണവും അവർക്ക് നൽകുന്ന വേതനവും) നയങ്ങളിൽ ഉണ്ടാകുന്ന ആഘാതം ഉടനടി സംഭവിക്കുകയും ആഴമേറിയതും ആയിരിക്കും.
