ഇന്ത്യക്ക് ടാങ്ക് വേധ മിസൈലുകളും ആർട്ടിലറി റൗണ്ടുകളും; 93 ദശലക്ഷം ഡോളറിൻ്റെ ആയുധക്കരാറിന് യുഎസ് അനുമതി നൽകി

ഇന്ത്യക്ക് ജാവലിൻ ടാങ്ക് വേധ മിസൈലുകളുടെയും എക്സ്കാലിബർ പ്രിസിഷൻ ഗൈഡഡ് ആർട്ടിലറി റൗണ്ടുകളുടെയും പുതിയ ബാച്ച് ലഭിക്കുന്നതിന് വഴിയൊരുക്കിക്കൊണ്ട് 93 ദശലക്ഷം ഡോളറിൻ്റെ ആയുധ വിൽപ്പനയ്ക്ക് അമേരിക്ക അനുമതി നൽകി.

100 FGM-148 ജാവലിൻ മിസൈലുകൾ, 25 ഭാരം കുറഞ്ഞ കമാൻഡ് ലോഞ്ച് യൂണിറ്റുകൾ, 216 എക്സ്കാലിബർ ആർട്ടിലറി റൗണ്ടുകൾ എന്നിവ ഈ പാക്കേജിൽ ഉൾപ്പെടുന്നു. നിർദ്ദിഷ്ട കൈമാറ്റങ്ങൾ സംബന്ധിച്ച് ഡിഫൻസ് സെക്യൂരിറ്റി കോർപ്പറേഷൻ ഏജൻസി (DSCA) ഔദ്യോഗികമായി കോൺഗ്രസിനെ അറിയിച്ചു.DSCA പുറത്തിറക്കിയ പ്രസ്താവന പ്രകാരം, ലോഞ്ച് യൂണിറ്റുകൾക്ക് ലൈഫ് സൈക്കിൾ സപ്പോർട്ട്, സുരക്ഷാ പരിശോധനകൾ, ഓപ്പറേറ്റർ പരിശീലനം, റിഫർബിഷിംഗ് സേവനങ്ങൾ, പൂർണ്ണമായ പ്രവർത്തന ശേഷിക്ക് ആവശ്യമായ മറ്റ് അനുബന്ധ ഘടകങ്ങൾ എന്നിവയും ഇന്ത്യയുടെ അഭ്യർത്ഥനയിൽ ഉൾപ്പെടുന്നു.