Uncategorized
കുവൈത്തില് എണ്ണ ഖനന കേന്ദ്രത്തില് ദാരുണ അപകടം, രണ്ട് മലയാളികൾ മരിച്ചുകുവൈത്തില് എണ്ണ ഖനന കേന്ദ്രത്തില് ദാരുണ അപകടം, രണ്ട് മലയാളികൾ മരിച്ചു
കുവൈത്ത് സിറ്റി: കുവൈത്തിലെ അബ്ദല്ലിയിലെ എണ്ണ ഖനന കേന്ദ്രത്തില് ജോലി ചെയ്യുന്നതിനിടെ ഉണ്ടായ ദാരുണാപകടത്തില് രണ്ട് മലയാളികള് മരിച്ചു. ജോലിക്കിടെ പെട്ടെന്ന് ഉണ്ടായ അപകടത്തിൽ തലക്ക് ഗുരുതരമായ പരിക്ക് പറ്റിയതിനെ തുടര്ന്നാണ് ഇരുവരുടെയും മരണം സംഭവിച്ചത്.
തൃശൂര് നടുവിലെ പറമ്പില് നിഷില് സദാനന്ദന് (40), കൊല്ലം സ്വദേശി സുനില് സോളമന് (43) എന്നിവരാണ് മരിച്ചത്. ഇരുവരും എണ്ണ ഖനന മേഖലയിലുള്ള കരാര് തൊഴിലാളികളായിരുന്നു. മൃതദേഹം ജഹ്റ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. അപകടത്തിന്റെ കൃത്യമായ കാരണത്തെ കുറിച്ച് അധികൃതർ വിശദമായ അന്വേഷണം ആരംഭിച്ചു.
