കൊച്ചി: തൃക്കാക്കര നഗരസഭയിലെ സിപിഐ കൗണ്സിലറായിരുന്ന എം ജെ ഡിക്സണ് ഇനി സിപിഐഎമ്മിനൊപ്പം. പാര്ട്ടി അംഗത്വവും കൗണ്സിലര് സ്ഥാനവും രാജിവെച്ച ശേഷമാണ് ഡിക്സണ് സിപിഐഎമ്മിന്റെ ഭാഗമായത്.
ഇനി സിപിഐഎമ്മിനൊപ്പമായിരിക്കും പ്രവര്ത്തിക്കുകയെന്ന് ഡിക്സണ് പറഞ്ഞു. തുടര്ന്ന് ഡിക്സണിന് സിപിഐഎം പ്രവര്ത്തകര് സ്വീകരണം നല്കി. ഇതോടെ നഗരസഭയില് ഇനി സിപിഐക്ക് ഒരു അംഗം മാത്രമാണുള്ളത്.ഇന്ന് തിരുവനന്തപുരത്ത് കോണ്ഗ്രസ് വിട്ട ഐഎന്ടിയുസി സംസ്ഥാന സെക്രട്ടറിയും പഞ്ചായത്ത് അംഗവുമായ യു എസ് സാബു സിപിഐഎമ്മില് ചേര്ന്നിരുന്നു. സിപിഐഎം ജില്ലാ സെക്രട്ടറി വി ജോയ് പതാക നല്കി സ്വീകരിച്ചു.
