ന്യൂഡല്ഹി: കേരളത്തിലും തീവ്ര വോട്ടര്പട്ടിക പരിഷ്കരണം. രണ്ടാംഘട്ടത്തില് എസ്ഐആര് നടപ്പാക്കാനുള്ള 12 സംസ്ഥാനങ്ങളില് കേരളവും ഉള്പ്പെട്ടു. തെരഞ്ഞെടുപ്പ് കമ്മീഷന്റെ വാര്ത്താ സമ്മേളനത്തിലാണ് പ്രഖ്യാപനം. 12 സംസ്ഥാനങ്ങളിൽ വോട്ടർ പട്ടിക പുനഃപരിശോധിക്കൽ പ്രക്രിയ നാളെ ആരംഭിക്കും.
എസ്ഐആര് നീട്ടണമെന്ന കേരളത്തിന്റെ ആവശ്യം തള്ളിയാണ് തെരഞ്ഞെടുപ്പ് കമ്മീഷന്റെ പ്രഖ്യാപനം. 2026 ഫെബ്രുവരി ഏഴിനകം അന്തിമ വോട്ടര്പട്ടിക പ്രസിദ്ധീകരിക്കണമെന്നും മുഖ്യതെരഞ്ഞെടുപ്പ് കമ്മീഷണര് ഗ്യാനേഷ് കുമാര് വാര്ത്താ സമ്മേളനത്തില് വ്യക്തമാക്കി.
12 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലും വോട്ടര്പട്ടിക പരിഷ്കരണം ബിഹാര് തെരഞ്ഞെടുപ്പിനു ശേഷം ആരംഭിക്കുമെന്നും തെരഞ്ഞെടുപ്പ് കമ്മീഷന് അറിയിച്ചു.
