ഭാര്യയെ കൊന്ന് മൃതദേഹം കൊക്കയില് തള്ളി സാം വണ്ടി കയറി മൈസൂരു ദസറ കാണാന്; ഒപ്പം ഇറാനിയന് യുവതിയും
കോട്ടയം: ഭാര്യ ജെസിയെ ശ്വാസംമുട്ടിച്ചു കൊന്ന് കൊക്കയില് തള്ളിയ കേസില് ഭര്ത്താവ് സാം കെ ജോര്ജ്(59) മൃതദേഹം കൊണ്ടുപോകാന് ഉപയോഗിച്ച കാര് കണ്ടെത്തി. കാറിനുള്ളില് നിന്ന് വെട്ടുകത്തിയും പൊലീസ് കണ്ടെത്തി. അഞ്ച് ദിവസത്തെ കസ്റ്റഡിയില് നിന്ന് വാങ്ങിയതിന് ശേഷം സാമുമായി പൊലീസ് നടത്തിയ തെളിവെടുപ്പിലാണ് കോട്ടയം ശാസ്ത്രി റോഡിലെ ബാങ്കിന്റെ പാര്ക്കിംഗ് പ്രദേശത്ത് നിന്ന് കാര് കണ്ടെടുത്തത്. കാണക്കാരി രത്നഗിരി പള്ളിക്ക് സമീപത്തെ കപ്പടക്കുന്നേല് ജെസി(49) 26ന് രാത്രി വീട്ടില് വച്ചാണ് കൊല്ലപ്പെട്ടത്.
മൃതദേഹം കൊക്കയില് തള്ളിയതിന് ശേഷം പുലര്ച്ചെ കൊച്ചിയിലെത്തിയ സാം സുഹൃത്തായ ഇറാനിയന് യുവതിക്കൊപ്പം വൈറ്റിലയില് നിന്ന് 27ന് രാത്രി ബസ് കയറിയാണ് വൈറ്റിലയില് നിന്ന് 27ന് രാത്രി ബസ് കയറിയാണ് ബെംഗളൂരുവിലേക്കും അവിടെ നിന്ന് ദസറ ആഘോഷങ്ങള് കാണാനായി മൈസൂരുവിലേക്കും കടന്നത്. കൊലപാതകത്തില് ഇറാനിയന് യുവതിക്ക് പങ്കില്ലെന്ന് കണ്ട് വിട്ടയച്ചതായി ജില്ലാ പൊലീസ് മേധാവി ഷാഹുല് ഹമീദ് അറിയിച്ചു.
