മത്തിയുടെ ലഭ്യതയിലെ ഏറ്റക്കുറച്ചിലുകള്ക്ക് കാരണം മണ്സൂണ് മഴയും സമുദ്രത്തിലെ മാറ്റങ്ങളും: സിഎംഎഫ്ആര്ഐ പഠനം
കേരള തീരത്ത് കഴിഞ്ഞ വര്ഷം മത്തിയുടെ കുഞ്ഞുങ്ങള് അപ്രതീക്ഷിതമായി വര്ധിച്ചതിനും തുടര്ന്നുണ്ടായ പാരിസ്ഥിതികവും സാമ്പത്തികവുമായ പ്രത്യാഘാതങ്ങള്ക്കും കാരണം മണ്സൂണ് മഴയിലെ മാറ്റങ്ങളാണെന്ന് കേന്ദ്ര സമുദ്രമത്സ്യ ഗവേഷണ സ്ഥാപനത്തിന്റെ (സിഎംഎഫ്ആര്ഐ) പുതിയ പഠനം.
കാലാവസ്ഥാ വ്യതിയാനത്തെ തുടര്ന്ന് കടലിലുണ്ടാകുന്ന മാറ്റങ്ങള് മത്തിയുടെ ലഭ്യതയില് വലിയ ഉയര്ച്ച താഴ്ചകള്ക്ക് കാരണമാകുന്നുണ്ടെന്ന് പഠനം വ്യക്തമാക്കുന്നു.
കേരളത്തിലെ മത്സ്യത്തൊഴിലാളികളുടെ പ്രധാന ഉപജീവനമാര്ഗമായ മത്തിയുടെ ലഭ്യതയില് സമീപകാലങ്ങളില് വലിയ വ്യതിയാനമാണുണ്ടായത്. 2012ല് സംസ്ഥാനത്ത് നാല് ലക്ഷം ടണ് എന്ന റെക്കോര്ഡ് അളവില് ലഭിച്ച മത്തി 2021ല് വെരും 3500 ടണ്ണായി കുത്തനെ കുറഞ്ഞു. എന്നാല്, കഴിഞ്ഞ വര്ഷം ശരാശരി പത്ത് സെന്റിമീറ്റര് വലിപ്പമുള്ള കുഞ്ഞന് മത്തി കേരള തീരത്ത് വന്തോതില് പ്രത്യക്ഷപ്പെട്ടു. കോഴിക്കോട്, തൃശൂര് ജില്ലകളില് ഇവ കൂട്ടത്തോടെ കരക്കടിയുന്ന സാഹചര്യവുമുണ്ടായി
