പാലക്കാട്: നവരാത്രി അവധിയോട് അനുബന്ധിച്ച മംഗലാപുരം ഷൊര്ണൂര് റൂട്ടില് പ്രത്യേക പാസഞ്ചര് ട്രെയിന് സര്വീസ് നടത്തും. അവധി ദിവസങ്ങളോട് ബന്ധപ്പെട്ട തിരക്ക് ഒഴിവാക്കാനാണ് പ്രത്യേക ക്രമീകരണം. ഇന്നും ഒക്ടോബര് ഒന്നിനുമാണ് പ്രത്യേക പാസഞ്ചര് ട്രെയിന് സര്വീസ് നടത്തുക.
വെള്ളിയാഴ്ച (ഇന്ന് ) വൈകീട്ട് ആറിന് മംഗളൂരുവില്നിന്ന് പുറപ്പെട്ട് രാത്രി 12.30-ന് ഷൊര്ണൂരെത്തുന്ന വിധത്തിലാണ് ക്രമീകരണം. ഒക്ടോബര് ഒന്നിനും ഇതേ സമയത്ത് ട്രെയിന് ഓടിക്കും. 13 ജനറല് കോച്ചുകളുണ്ടാകും പാസഞ്ചറിന് ഉണ്ടാവുക.
