‘ഒഴിവുകൾ നികത്തണം, ശമ്പള പരിഷ്കരണത്തിലെ അപാകത പരിഹരിക്കണം’; മെഡിക്കൽ കോളജുകളിലെ അധ്യാപകരായ ഡോക്ടേഴ്സിന്റെ പ്രതിഷേധം

സംസ്ഥാനത്തെ സർക്കാർ മെഡിക്കൽ കോളജുകളിലെ അധ്യാപകരായ ഡോക്ടേഴ്സിന്റെ പ്രതിഷേധം ഇന്ന്. ഇന്ന് ഡിഎംഇ ഓഫീസിലേക്കും മെഡിക്കൽ കോളജുകളിലേക്കും മാർച്ചും ധർണയും സംഘടിപ്പിക്കും. ഒഴിവുകൾ നികത്തണമെന്നും ശമ്പള പരിഷ്കരണത്തിലെ അപാകത പരിഹരിക്കണമെന്നുമാണ് ആവശ്യം.

പ്രതിഷേധത്തിന്റെ സംസ്ഥാനതല ഉദ്ഘാടനം കോഴിക്കോട് മെഡിക്കൽ കോളജിൽ രാവിലെ പത്തരയ്ക്ക് കെജിഎംസിടിഎ സംസ്ഥാന പ്രസിഡൻറ് ഡോക്ടർ റൊസ്നാര ബീഗം നിർവഹിക്കും. മെഡിക്കൽ വിദ്യാഭ്യാസ ഡയറക്ടറേറ്റിന് മുന്നിലെ ധർണ കെജിഎംസിറ്റിഎ ജനറൽ സെക്രട്ടറി ഡോ സി എസ് അരവിന്ദ് ഉദ്ഘാടനം ചെയ്യും.

പ്രതിഷേധത്തിന്റെ ഭാഗമായി ഇന്നലെ കെജിഎംസിറ്റിഎ കരിദിനം ആചരിച്ചിരുന്നു. പ്രക്ഷോഭ പരിപാടികളിലേക്ക് കടക്കുകയാണ് കേരള ഗവൺമെന്റ് മെഡിക്കൽ കോളജ് ടീച്ചേഴ്‌സ് അസോസിയേഷനെന്ന് ഭാരവാഹികൾ അറിയിച്ചു.