Uncategorized
കളമശ്ശേരി മാര്ത്തോമ ഭവന് നേരെ ആക്രമണം; സിസിടിവിയും കുടിവെള്ള പൈപ്പുകളും നശിപ്പിച്ചതായി പരാതി
കൊച്ചി: എറണാകുളം അങ്കമാലി അതിരൂപതയുടെ കീഴിലുള്ള കളമശ്ശേരിയിലെ മാര്ത്തോമാ ഭവന്റെ ഭൂമിയില് അനധികൃത കയ്യേറ്റമെന്ന് ആക്ഷേപം. മാര്ത്തോമാ ഭവന്റെ 100 മീറ്ററോളം വരുന്ന കമ്പൗണ്ട് മതില് തകര്ത്തതായും ക്രെയിന് ഉപയോഗിച്ച് താല്ക്കാലിക കോണ്ക്രീറ്റ് വീടുകള് സ്ഥാപിച്ചെന്നുമാണ് പരാതി. ആശ്രമത്തിന് സമീപത്തുള്ള കന്യാസ്ത്രീ മഠത്തിലേക്കുള്ള കുടിവെള്ള പൈപ്പുകള് തകര്ക്കുകയും അന്തേവാസികള് ചാപ്പലിലേക്ക് പോകുന്ന ഗേറ്റിനു മുന്നില് പ്രവേശനം തടസ്സപ്പെടുത്തുകയും ചെയ്തു. ആ ഭാഗത്ത് സ്ഥാപിച്ചിരുന്ന കന്യാസ്ത്രീ മഠത്തിന്റെ സിസിടിവി ക്യാമറകളും നശിപ്പിച്ചിട്ടുണ്ടെന്നാണ് പരാതി. സംഭവത്തിന് പിന്നില് എസ്ഡിപിഐ പ്രവര്ത്തകരാണെന്ന് കാസ ആരോപിച്ചു.
