ഇസ്രയേലിന്റെ ഖത്തര്‍ ആക്രമണം; സെപ്തംബർ 15 സാമ്രാജ്യത്വ വിരുദ്ധ ദിനമായി ആചരിക്കാൻ സിപിഐഎം

തിരുവനന്തപുരം: ഇസ്രയേലിന്റെ ഖത്തര്‍ ആക്രമണത്തില്‍ പ്രതിഷേധം സംഘടിപ്പിക്കാനൊരുങ്ങി സിപിഐഎം. ഈ മാസം 15 നാണ് പ്രതിഷേധം നടത്തുക. ഇസ്രയേലിന്റെ ഖത്തര്‍ ആക്രമണം മലയാളികള്‍ക്ക് ഗൗരവതരമായ പ്രശ്‌നമാണെന്ന് സിപിഐഎം സംസ്ഥാന സെക്രട്ടറിയേറ്റ് വ്യക്തമാക്കി. നാടിന്റെ സമ്പദ്ഘടനയെ തകര്‍ക്കുന്നതാണ് ഗള്‍ഫ് മേഖലയിലെ ബോംബ് ആക്രമണമെന്നും കേന്ദ്രസര്‍ക്കാര്‍ ആക്രമണത്തെ അപലപിക്കാന്‍ പോലും തയ്യാറായില്ലെന്നും സിപിഐഎം സംസ്ഥാന സെക്രട്ടറിയേറ്റ് പ്രതികരിച്ചു.