Uncategorized
കൊച്ചിയില് ഐടി ജീവനക്കാരനെ തട്ടിക്കൊണ്ടുപോയി മര്ദിച്ച സംഭവം; കാറില് പ്രശസ്ത നടിയും ഉണ്ടായിരുന്നെന്ന് സൂചന
കൊച്ചിയില് ഐടി ജീവനക്കാരനായ യുവാവിനെ തട്ടിക്കൊണ്ടുപോയി മര്ദിച്ച സംഘത്തില് പ്രമുഖ സിനിമാ നടിയും ഉള്പ്പെട്ടതായി സൂചന. സംഭവത്തില് മൂന്ന് പ്രതികളെ റിമാന്ഡ് ചെയ്തു. മിഥുന്, അനീഷ്, സോനാ മോള് എന്നിവരെയാണ് റിമാന്ഡ് ചെയ്തത്
കഴിഞ്ഞ ദിവസമാണ് കേസിന് ആധാരമായ സംഭവം നടന്നത്. സദര്ലാന്ഡ് ജീവനക്കാരനായ യുവാവിനെ എറണാകുളം നോര്ത്ത് പാലത്തില് വച്ച് വാഹനത്തിലെത്തിയ സംഘം തടഞ്ഞുനിര്ത്തുകയും തട്ടിക്കൊണ്ടുപോകുകയുമായിരുന്നു. പിന്നീട് യുവാവിനെ അക്രമി സംഘം പറവൂര് കൊണ്ടുപോയി ക്രൂരമായി മര്ദിച്ചെന്നും അവശനിലയിലായ യുവാവിനെ പിന്നീട് തോട്ടക്കാട്ടുകരയില് ഉപേക്ഷിച്ചുവെന്നുമായിരുന്നു പരാതി.
