മഞ്ചേശ്വരം തെരഞ്ഞെടുപ്പ് കോഴക്കേസ്; കെ സുരേന്ദ്രനെതിരായ ഹർജി പിന്വലിക്കാന് സര്ക്കാരിന് അനുമതി നല്കി ഹൈക്കോടതി
കൊച്ചി: മഞ്ചേശ്വരം തെരഞ്ഞെടുപ്പ് കോഴക്കേസില് കെ സുരേന്ദ്രനെതിരായ ഹർജി പിന്വലിക്കാന് സര്ക്കാരിന് ഹൈക്കോടതിയുടെ അനുമതി. കെ സുരേന്ദ്രനെതിരെ നല്കിയ റിവിഷന് ഹർജി പിന്വലിക്കാനാണ് ഹൈക്കോടതി സര്ക്കാരിന് അനുമതി നല്കിയത്. റിവിഷന് ഹർജി പിന്വലിച്ചത് സെഷന്സ് കോടതി വിധിക്കെതിരെ അപ്പീല് നല്കാനാണ് സര്ക്കാരിന്റെ നീക്കം.
2021 ലെ നിയമസഭാ തെരഞ്ഞെടുപ്പില് മഞ്ചേശ്വരത്തെ ബിഎസ്പി സ്ഥാനാര്ത്ഥിയായിരുന്ന സുന്ദരയ്ക്ക് സ്ഥാനാര്തിത്വം പിന്വലിക്കാന് രണ്ടര ലക്ഷം രൂപയും സ്മാര്ട്ട് ഫോണും നല്കിയെന്നും ഭീഷണിപ്പെടുത്തിയെന്നുമാണ് കേസ്. കേസ് നിയമപരമായി നിലനില്ക്കില്ലെന്നും കെട്ടിച്ചമച്ചതാണെന്നും രാഷ്ട്രീയ പ്രേരിതമാണെന്നും ആരോപിച്ച് നല്കിയ വിടുതല് ഹര്ജിയാണ് ജില്ലാ സെഷന്സ് കോടതി അംഗീകരിച്ചത്. പട്ടിക ജാതി-പട്ടിക വര്ഗ അതിക്രമം തടയല്, അന്യായമായി തടങ്കലില് വയ്ക്കല്, തെളിവ് നശിപ്പിക്കല് തുടങ്ങിയ കുറ്റങ്ങളെല്ലാം ചുമത്തി ജാമ്യമില്ലാ വകുപ്പ് പ്രകാരമായിരുന്നു കേസ്.
