Uncategorized
യുവതിയുടെ സ്വകാര്യ ചിത്രങ്ങള് പ്രചരിപ്പിച്ചയാളെ ഒഡീഷയിലെത്തി പിടികൂടി വയനാട് സൈബര് പോലീസ്
കല്പ്പറ്റ: വ്യാജ ഇന്സ്റ്റാഗ്രാം അക്കൗണ്ടുകളിലൂടെ യുവതിയുടെ സ്വകാര്യ ചിത്രങ്ങള് പ്രചരിപ്പിച്ചയാളെ ഒഡീഷയിലെത്തി പിടികൂടി വയനാട് സൈബര് പോലീസ്. സുപര്നപൂര് ജില്ലയിലെ ലച്ചിപൂര്, ബുര്സാപള്ളി സ്വദേശിയായ രഞ്ചന് മാലിക് (27) നെയാണ് സൈബര് െ്രെകം പോലീസ് സ്റ്റേഷന് ഇന്സ്പെക്ടര് എസ്.എച്ച്.ഒ ഷജു ജോസഫും സംഘവും പിടികൂടിയത്. മാവോയിസ്റ്റ് സാന്നിധ്യമുള്ള ഒഡീഷയിലെ ഉള്ഗ്രാമത്തിലെത്തി വ്യാഴാഴ്ച പുലര്ച്ചെ വീട് വളഞ്ഞ് സാഹസികമായാണ് ഒഡീഷ പോലീസിന്റെ സഹായത്തോടെ ഇയാളെ പിടികൂടിയത്. വയനാട് സ്വദേശിയായ യുവതിയുടെ പരാതി പ്രകാരമാണ് നടപടി.
