Uncategorized
അപ്പോളോ 13 കമാന്ഡര് ജിം ലോവല് അന്തരിച്ചു; തകരാറിലായ പേടകം സുരക്ഷിതമായി ഭൂമിയില് ഇറക്കിയ ജീനിയസ്
ചിക്കാഗോ: നാസയുടെ അപ്പോളോ 13 ബഹിരാകാശ ദൗത്യത്തിന്റെ കമാന്ഡറായിരുന്ന ജിം ലോവല് അന്തരിച്ചു. ചിക്കാഗോയില് 97-ാം വയസില് വാര്ധക്യസഹജമായ അസുഖങ്ങളെ തുടര്ന്നാണ് അദേഹത്തിന്റെ അന്ത്യമെന്ന് നാസ അറിയിച്ചു. ചന്ദ്രനിലേക്കുള്ള യാത്രയ്ക്കിടെ ഓക്സിജന് സിലിണ്ടര് പൊട്ടിത്തെറിച്ച് ആശങ്കയിലായ അപ്പോളോ 13 പേടകത്തെ പസഫിക് സമുദ്രത്തില് സാഹസികമായി ഇറക്കി ലോകത്തെ വിസ്മയിപ്പിച്ച ബഹിരാകാശ സഞ്ചാരിയായിരുന്നു ജിം ലോവല്. ഏറ്റവും കൂടുതല് ബഹിരാകാശ യാത്ര നടത്തിയ സഞ്ചാരികളില് ഒരാള് കൂടിയാണ് ജിം ലോവല്.
