രജിസ്ട്രാർ അനധികൃതമായി ഓഫീസിൽ ഹാജരായാൽ സ്ഥാനത്ത് നിന്ന് നീക്കും; നിർണായക നീക്കവുമായി വി സി

കേരള സർവകലാശാലയിലെ രജിസ്ട്രാറുടെ സസ്പെൻഷൻ വിവാദത്തിൽ പോര് മുറുകുകയാണ്. രജിസ്ട്രാർ സ്ഥാനത്തുനിന്ന് വി സി മോഹനൻ കുന്നുമ്മൽ സസ്പെൻഡ് ചെയ്ത ഡോ. കെ എസ് അനിൽകുമാർ ഓഫീസിൽ പ്രവേശിക്കുന്നത് തടയാൻ വിസി മോഹനൻ കുന്നമ്മൽ നീക്കം തുടങ്ങി. ഗവർണറുമായുള്ള കൂടിക്കാഴ്ചക്ക് ശേഷമാണ് വി സിയുടെ നിർണായക നീക്കം. രജിസ്ട്രാർ അനധികൃതമായി ഓഫീസിൽ ഹാജരായാൽ സ്ഥാനത്തുനിന്ന് നീക്കം ചെയ്യാനാണ് തീരുമാനം. അനിൽകുമാർ ഓഫീസിൽ പ്രവേശിക്കുന്നത് തടയാൻ പൊലീസ് സഹായം തേടാൻ മിനി കാപ്പന് നിർദ്ദേശം നൽകി. സർവകലാശാലയിലെ നിലവിലെ സ്ഥിതിഗതികൾ ഗവർണറെ അറിയിച്ചതിനുശേഷമാണ് നീക്കം.