മരം മുറിക്കാൻ കയറി, കുടുങ്ങിയത് മണിക്കൂറുകളോളം, ഒടുവിൽ അഗ്നിശമനസേനയെത്തി രക്ഷപ്പെടുത്തി

പാലക്കാട്: പാലക്കാട് മരം മുറിക്കാൻ കയറിയ ആൾ മരത്തിൽ കുടുങ്ങി. എടക്കുറിശ്ശി സ്വദേശി രാജുവാണ് മരത്തിൽ കുടുങ്ങിപ്പോയത്. തച്ചമ്പാറ തെക്കുംപുറത്താണ് ഇയാൾ മരം മുറിക്കുന്നതിനായി കയറിയത്. തുടർന്ന് മണിക്കൂറുകളോളം മരത്തിൽ കുടുങ്ങുകയായിരുന്നു. മണ്ണാർക്കാട് നിന്നും അഗ്നിശമനസേന എത്തിയാണ് രാജുവിനെ രക്ഷപ്പെടുത്തിയത്.