വിജയത്തിന്റെ മാധുര്യം നിറഞ്ഞ സമനില നേട്ടത്തിന്റെ ആത്മവിശ്വാസത്തിൽ പരമ്പരയിലെ അവസാന ടെസ്റ്റ് മത്സരത്തിനായി ഇന്ത്യ ഇന്ന് കളത്തിൽ. ഇംഗ്ലണ്ടിന്റെ കിരീടനേട്ടം തടയാൻ ഇന്ത്യയ്ക്ക് ജയമല്ലാതെ മറ്റൊന്നും മുന്നിൽ ഇല്ല. മത്സരഫലം സമനിലയാണെങ്കിൽ കൂടി ഇന്ത്യയ്ക്ക് പരമ്പര നഷ്ട്ടമാകും. ഒന്നും മൂന്നും ടെസ്റ്റ് മത്സരങ്ങൾ ജയിച്ച ഇംഗ്ലണ്ട് 2-1 ന് മുന്നിലാണ്. ഇന്ത്യ രണ്ടാം ടെസ്റ്റ് മത്സരം വിജയിച്ചെങ്കിലും നാലാം ടെസ്റ്റ് ഫലം സമനിലയായിരുന്നു. അഞ്ചാം ടെസ്റ്റിൽ ഇന്ത്യയ്ക്ക് വിജയിക്കാനായാൽ ആൻഡേഴ്സൻ-ടെണ്ടുൽകർ ട്രോഫി പരമ്പര 2-2 ന് അവസാനിക്കും. എന്നാൽ, ജയിക്കുക എന്നതിനോടൊപ്പം കഴിഞ്ഞ മത്സരങ്ങളിൽ ഉണ്ടായ തകർക്കവും, ഷേക്ക് – ഹാൻഡിന് നോ പറഞ്ഞ സംഭവുമെല്ലാം ഈ ടെസ്റ്റ് മത്സരത്തെ ഒരു അഭിനയത്തിന്റെ പോരാട്ടം കൂടിയാക്കി മാറ്റുന്നു.
