പശ്ചിമ ബംഗാള്: കൊല്ക്കത്തയില് നിയമ വിദ്യാര്ത്ഥിയെ കൂട്ട ബലാത്സംഗം ചെയ്ത കേസില് ഒരാള് കൂടി അറസ്റ്റില്. ലോ കോളേജിലെ സുരക്ഷാ ജീവനക്കാരനാണ് അറസ്റ്റിലായത്. സുരക്ഷാ ജീവനക്കാരന് ബലാത്സംഗത്തിന് സഹായം ചെയ്തുവെന്ന കണ്ടെത്തലിനെ തുടര്ന്നാണ് അറസ്റ്റ്. ഇതോടെ കേസില് അറസ്റ്റിലായവരുടെ എണ്ണം നാലായി.മുഖ്യപ്രതിയും കോളേജിന്റെ മുന് യൂണിറ്റ് പ്രസിഡന്റുമായ മൊണോജിത് മിശ്ര(31), സെയ്ബ് അഹമ്മദ് (19), പ്രമിത് മുഖര്ജി (20) എന്നിവരെ നേരത്തെ അറസ്റ്റ് ചെയ്തിരുന്നു. ബുധനാഴ്ച ഉച്ചയ്ക്ക് 12 മണിയോടെയാണ് 24കാരിയായ പെണ്കുട്ടി പരീക്ഷയുമായി ബന്ധപ്പെട്ട ഫോമുകള് പൂരിപ്പിക്കാന് കോളേജില് എത്തിയത്. ജൂണ് 25-ന് രാത്രി 7.30 നും 10.50 -നും ഇടയിലാണ് ദാരുണ സംഭവമുണ്ടായതെന്ന് പൊലീസ് പറഞ്ഞു. അതിജീവിതയായ പെണ്കുട്ടി നല്കിയ പരാതിയില് കസ്ബ പൊലീസാണ് എഫ്ഐആര് രജിസ്റ്റര് ചെയ്ത് അന്വേഷണം നടത്തുന്നത്.
