തെഹ്റാന്: ഇസ്രയേല്-ഇറാന് സംഘര്ഷം അവസാനിക്കുന്നതായി സൂചന. വെടിനിര്ത്തല് ആരംഭിച്ചതായി ഇറാനിയന് ടി വി റിപ്പോര്ട്ട് ചെയ്യുന്നു. ഇസ്രയേല് മാധ്യമങ്ങളും ഇരു രാജ്യങ്ങളും തമ്മില് വെടിനിര്ത്തല് പ്രാബല്യത്തിലെത്തിയെന്ന് റിപ്പോര്ട്ട് ചെയ്യുന്നുണ്ട്. എന്നാല് ഇസ്രയേല് സര്ക്കാര് ഇതുവരെ ഔദ്യോഗികമായി വെടിനിര്ത്തല് പ്രാബല്യത്തിലായെന്ന് അറിയിച്ചിട്ടില്ല.
ആറ് മണിക്കൂറിനുള്ളില് വെടിനിര്ത്തലുണ്ടാകുമെന്നായിരുന്നു നേരത്തെ അമേരിക്കന് പ്രസിഡന്റ് ഡോണള്ഡ് ട്രംപ് പറഞ്ഞത്. ഇസ്രയേലിലേക്ക് നടത്തിയ നാലാം തരംഗ ആക്രമണത്തിന് പിന്നാലെയാണ് വെടിനിര്ത്തല് പ്രാബല്യത്തിലെത്തിയതെന്ന് ഇറാന്റെ ഔദ്യോഗിക വാര്ത്താ ചാനലായ ഇറാന് പ്രസ് ടി വി റിപ്പോര്ട്ട് ചെയ്യുന്നു.
