ക്ലബ്ബ് ലോക കപ്പില് ബ്രസീല് ടീമായ ഫ്ളമെംഗോയോട് കടുത്ത തോല്വി വഴങ്ങി ഇംഗ്ലീഷ് പ്രീമിയര് ക്ലബ് ആയ ചെല്സി. ഗ്രൂപ്പ് ഡി യില് ഇന്നലെ ഇന്ത്യന്സമയം രാത്രി നടന്ന മത്സരത്തില് ബ്രസീലില് ഒന്നാംകിട ക്ലബ്ബുകളിലൊന്നായ ഫ്ളമെംഗോ തകര്ത്തുവിട്ടത്. മത്സരത്തില് ചെല്സി താരം നിക്കോളാസ് ജാക്സണ് കളത്തിലെത്തി നാല് മിനിറ്റിനകം ചുവപ്പ് കാര്ഡ് കണ്ട് പുറത്തായത് അവരുടെ തോല്വിക്ക് ആക്കം കൂട്ടി. ഒരു ഗോളിന് പിന്നിട്ടുനിന്ന ശേഷമായിരുന്നു ഫ്ളമെംഗോയുടെ തിരിച്ചുവരവ്. ആദ്യ വിസില് മുഴങ്ങി 13-ാം മിനിട്ടില് തന്നെ ചെല്സി സ്കോര് ചെയ്തു. ഏഴാം നമ്പര് താരം പെഡ്രോ നേറ്റോയുടെ വകയായിരുന്നു ഗോള്.
