എല്ലാ വർഷവും ജൂൺ 7 ന് ലോക ഭക്ഷ്യ സുരക്ഷാ ദിനം ആചരിക്കുന്നു. ഭക്ഷ്യ സുരക്ഷ ഉറപ്പാക്കാനും ആഗോളതലത്തിൽ ഭക്ഷ്യജന്യ രോഗങ്ങളുടെ നിരക്ക് കുറയ്ക്കാനുമുള്ള ശ്രമങ്ങൾ ശക്തിപ്പെടുത്തുന്നതിനുമാണ് ഈ ദിനം ആചരിക്കുന്നത്. ഭക്ഷ്യജന്യ രോഗങ്ങളുമായി ബന്ധപ്പെട്ട അപകടസാധ്യതകൾ തിരിച്ചറിയുന്നതിനും കുറയ്ക്കുന്നതിനുമുള്ള ഓർമ്മപ്പെടുത്തൽ കൂടിയാണ് ഈ ദിനം.
ഭക്ഷ്യജന്യ രോഗങ്ങളുടെ ഭാരം കുറയ്ക്കുന്നതിന് ആഗോളതലത്തിൽ അവബോധം വർദ്ധിപ്പിക്കുന്നതിനും വേഗത്തിലുള്ള നടപടി സ്വീകരിക്കുന്നതിനും ഇത് ലക്ഷ്യമിടുന്നു. “ഭക്ഷ്യ സുരക്ഷ: ശാസ്ത്രം പ്രവർത്തനത്തിൽ” എന്നതാണ് ഈ വർഷത്തെ പ്രമേയം.
ഭക്ഷ്യസുരക്ഷയെക്കുറിച്ചുള്ള ആഗോള അവബോധം പ്രോത്സാഹിപ്പിക്കുന്നതിനായി ഐക്യരാഷ്ട്രസഭ, ഭക്ഷ്യ-കാർഷിക സംഘടന (എഫ്എഒ), ലോകാരോഗ്യ സംഘടന (ഡബ്ല്യുഎച്ച്ഒ) എന്നിവയുടെ സഹകരണത്തിൽ നിന്നാണ് ഈ ദിനം ആചരിക്കാൻ തുടങ്ങിയത്.
