ലോകത്തിന്റെ നെറുകയില്; ഏറ്റവും ഉയരത്തിലുള്ള റെയില് പാലം ; ചെനാബ് പാലം ഉദ്ഘാടനം ഇന്ന്
ജമ്മുകശ്മീരിലെ ചെനാബ് റെയില്പാലത്തിന്റെ ഉദ്ഘാടനം ഇന്ന്. ലോകത്തിലെ ഏറ്റവും ഉയരം കൂടിയ റെയില്വേപാലമാണ് ചെനാബ്. ഈഫല് ടവറിനേക്കാള് ഉയരം കൂടുതലുണ്ട് ചെനാബ് ആര്ച്ച് ബ്രിഡ്ജിന്. പ്രധാനമന്ത്രി നരേന്ദ്രമോദി പാലം രാജ്യത്തിന് സമര്പ്പിക്കും. പഹല്ഗാം ഭീകരാക്രമണത്തിന് ശേഷം പ്രധാനമന്ത്രി നരേന്ദ്രമോദിയുടെ ആദ്യ ജമ്മു കശ്മീര് സന്ദര്ശനമാണിത്.
കശ്മീര് താഴ്വരയെ രാജ്യത്തിന്റെ മറ്റുഭാഗങ്ങളുമായി ബന്ധിപ്പിക്കുന്ന പാലം ജമ്മുകശ്മീരിലെ റിയാസി ജില്ലയില് ബക്കലിനും കൗരിക്കും ഇടയില് ചെനാബ് നദിക്ക് കുറുകെയാണ്. 1400 കോടി രൂപ ചെലവിട്ടാണ് നിര്മാണം പൂര്ത്തിയാക്കിയത്. 272 കിലോമീറ്റര് നീളമുള്ള ഉദ്ദംപൂര് കാത്ര ഖാസിഗുണ്ട് വഴി ജമ്മുവിനെ ബാരാമുള്ളയും ശ്രീനഗറുമായി ബന്ധിപ്പിക്കുന്ന പാലം കശ്മീര് റെയില് പദ്ധതിയുടെ ഭാഗമാണ്. കത്രയ്ക്കും ബനിഹാലിനും ഇടയിലെ 111 കിലോമീറ്ററിനെ ബന്ധിപ്പിക്കുന്ന പ്രധാന കണ്ണി. ശ്രീനഗര് – ജമ്മു റൂട്ടിലൂടെയുള്ള സഞ്ചാരസമയം ഏഴ് മണിക്കൂറായി കുറയും.
