Uncategorized
ജൂനിയര് അഭിഭാഷകയെ ക്രൂരമായി മര്ദിച്ച സംഭവം: ബെയ്ലിന് ദാസിന്റെ ജാമ്യാപേക്ഷയില് കോടതി ഇന്ന് വിധി പറയും
ജൂനിയര് അഭിഭാഷകയെ ക്രൂരമായി മര്ദിച്ച പ്രതി അഡ്വക്കേറ്റ് ബെയ്ലിന് ദാസിന്റെ ജാമ്യാപേക്ഷയില് കോടതി ഇന്ന് വിധി പറയും. തിരുവനന്തപുരം മജിസ്ട്രേറ്റ് കോടതിയാണ് ജാമ്യ ഹര്ജി പരിഗണിക്കുന്നത്. ബെയ്ലിന് ദാസിനെ ഈ മാസം 27 വരെ റിമാന്ഡ് ചെയ്തിരുന്നു. ബെയ്ലിന് ദാസിനു ജാമ്യം നല്കരുതെന്ന് പ്രോസിക്യൂഷന് ആവശ്യപ്പെട്ടിരുന്നു. ബെയ്ലിന് മുഖത്ത് പരുക്കേറ്റിരുന്നുവെന്ന മെഡിക്കല് റിപ്പോര്ട്ട് പ്രതിഭാഗം ഇന്നലെ കോടതിയില് ഹാജരാക്കിയിരുന്നു. ഗൗരവമായ കുറ്റകൃത്യമാണ് ബെയ്ലിന് ദാസ് നടത്തിയിരിക്കുന്നതെന്നായിരുന്നു പ്രോസിക്യൂഷന് വാദം. എന്നാല് പ്രകോപനമുണ്ടാക്കിയത് യുവ അഭിഭാഷകയെന്ന് പ്രതിഭാഗവും വാദിച്ചു.
