കുട്ടി മുറിവുമായാണ് തിരികെ വീട്ടിൽ എത്തിയത്; തലയിലെ മുറിവിന് സ്റ്റിച്ച് ഇട്ടത് 2 ദിവസത്തിന് ശേഷം; കോഴിക്കോട് മെഡിക്കൽ കോളജിനെതിരെ പേവിഷബാധയേറ്റ് മരിച്ച സിയയുടെ കുടുംബം

കോഴിക്കോട് മെഡിക്കൽ കോളജിനെതിരെ ആരോപണവുമായി വാക്സിനെടുത്തിട്ടും പേ വിഷബാധയേറ്റ് മരിച്ച മലപ്പുറത്തെ അഞ്ച് വയസുകാരി സിയയുടെ കുടുംബം. കോഴിക്കോട് മെഡിക്കൽ കോളജിലെത്തിച്ച് രണ്ട് ദിവസം കഴിഞ്ഞാണ് തലയിലെ മുറിവിന് സ്റ്റിച്ച് ഇട്ടതെന്ന് സിയയുടെ പിതാവ് സൽമാൻ ഫാരിസ് ആരോപിച്ചു. ആശുപത്രിയിൽ എത്തിച്ചപ്പോൾ 48 മണിക്കൂർ കഴിഞ്ഞു വരാൻ പറഞ്ഞ് വിട്ടിലേക്ക് അയക്കുകയായിരുന്നുവെന്നും ഫാരിസ്.