Uncategorized
ഡെങ്കിപ്പനിയ്ക്കും എലിപ്പനിയ്ക്കുമെതിരെ ജാഗ്രത പുലര്ത്തണം, കേസ് വര്ധിക്കാന് സാധ്യത: മന്ത്രി വീണാ ജോര്ജ്
തിരുവനന്തപുരം: കാലാവസ്ഥാ വ്യതിയാനം കാരണം സംസ്ഥാനത്ത് ഡെങ്കിപ്പനി, എലിപ്പനി, ജലജന്യ രോഗങ്ങള് എന്നിവ വര്ധിക്കാന് സാധ്യതയുള്ളതിനാല് വളരെ ശ്രദ്ധിക്കണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ആരോഗ്യ വകുപ്പിന്റെ നേതൃത്വത്തില് എല്ലാ തദ്ദേശ സ്ഥാപനങ്ങളും മേയ് 15നകം മൈക്രോ പ്ലാന് തയ്യാറാക്കണം. കൊതുകുജന്യ രോഗങ്ങള് വര്ധിക്കാന് സാധ്യതയുള്ളതിനാല് ആരോഗ്യ ജാഗ്രതാ കലണ്ടര് പ്രകാരം ഫീല്ഡ്തല പ്രവര്ത്തനങ്ങള് ശക്തിപ്പെടുത്തണം. തദ്ദേശ സ്ഥാപനങ്ങള് കൃത്യമായ കൊതുക് നിവാരണ പ്രവര്ത്തനങ്ങള് നടത്തണം. ഹോട്ട് സ്പോട്ടുകള് കണ്ടെത്തി പ്രവര്ത്തനങ്ങള് ശക്തമാക്കണം. പൊതുജനാരോഗ്യ നിയമ പ്രകാരം സ്വകാര്യ ആശുപത്രികള് ഉള്പ്പെടെ രോഗങ്ങള് കൃത്യമായി റിപ്പോര്ട്ട് ചെയ്യണമെന്നും മന്ത്രി നിര്ദേശം നല്കി.
