മദ്യപിക്കുന്നതിനിടെ പുകവലിച്ചതിനെ തുടർന്ന് വാക്കുതർക്കം; മദ്യപസംഘങ്ങൾ തമ്മിൽ ഏറ്റുമുട്ടി; മൂന്ന് പേർക്ക് പരുക്ക്

വയനാട് സുൽത്താൻ ബത്തേരി ടൗണിൽ മദ്യപ സംഘങ്ങൾ തമ്മിൽ ഏറ്റുമുട്ടി. ഇന്നലെ രാത്രി 10 മണിക്കായിരുന്നു സംഭവം. സംഘർഷത്തിൽ മൂന്ന് പേർക്ക് പരുക്കേറ്റു. ഒരാളുടെ കഴുത്തിന് വെട്ടേറ്റിട്ടുണ്ട്. സുൽത്താൻ ബത്തേരി സ്വദേശി വിഷ്ണുവിനാണ് കഴുത്തിന് വെട്ടേറ്റത്. പുത്തൻകുന്ന് കാര്യംപാതി ഉന്നതിയിലെ അപ്പു, നമ്പ്യാർകുന്ന് കുറുമകൊല്ലി ഉന്നതിയിലെ വിഷ്ണു എന്നിവരാണ് പരുക്കേറ്റ മറ്റു രണ്ട് പേർ.