Uncategorized
‘വേടന് രാഷ്ട്രീയ ബോധമുള്ള മികച്ച കലാകാരന്; അറസ്റ്റിനിടയാക്കിയ സാഹചര്യങ്ങള് തിരുത്തി തിരിച്ചുവരണം’, മന്ത്രി എ കെ ശശീന്ദ്രൻ
വേടന്റെ അറസ്റ്റിനിടയാക്കിയതും തുടര്ന്നുണ്ടായ സംഭവങ്ങളും ഏറെ ദൗര്ഭാഗ്യകരമാണെന്ന് വനം വകുപ്പുമന്ത്രി എ.കെ.ശശീന്ദ്രന്. രാഷ്ട്രീയബോധമുള്ള ഒരു യുവതയുടെ പ്രതിനിധി എന്ന നിലയില് ഏറെ പ്രതീക്ഷയുള്ള കലാകാരനാണ് വേടന്. അതുകൊണ്ടുതന്നെ അറസ്റ്റിനിടയാക്കിയ സാഹചര്യങ്ങള് തിരുത്തി അയാള് തിരിച്ചുവരേണ്ടതുണ്ട്. അതിനായി സാമൂഹികവും സാംസ്കാരികവുമായ പിന്തുണയുമായി വനം വകുപ്പും വേടന്റെ ഒപ്പമുണ്ടാകും. അതോടൊപ്പം ഇക്കാര്യത്തില് നിയമപരമായ ചില പ്രശ്നങ്ങള് കൂടിയുണ്ട്. അത് അതിന്റേതായ മാര്ഗങ്ങളില് നീങ്ങട്ടെ. വേടന്റെ ശക്തിയാര്ന്ന മടങ്ങിവരവിന് ആശംസകൾ നേരുന്നുവെന്ന് മന്ത്രി കൂട്ടിച്ചേർത്തു.
